وڭاي ولجاعا كەنەلۋ ماقساتىندا بويجەتكەن وسكەمەننىڭ اۋماعىندا پسيحوتروپتىق زاتتاردى بايلانىسسىز تاسىلمەن, ياعني «قويىپ كەتۋ» ارقىلى وتكىزۋدى جانە ەسەپ ايىرىسۋ ءادىسىن قولما-قول اقشاسىز شەشكەن.
- ۇستاۋ كەزىندە كۇدىكتىنىڭ پاتەرىنەن 650 رەت قولدانۋ دوزاسىنا تەڭ 200 گرامنان ارتىق پسيحوتروپتىق زاتتار الىندى. ونىڭ قارا نارىقتاعى باعاسى 2 ملن. تەڭگەندەن ارتىق سومانى قۇرايدى. سونداي-اق ەسىرتكى دوزالارىن وراۋعا جانە ولشەۋگە ارنالعان قۇرالدار تاركىلەندى, - دەدى شقو پد باستىعى ساعات ماديەۆ.
اتالعان فاكتى بويىنشا قر قك-ءنىڭ 297-بابى 3-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, ولاردى جونەلتۋ نە وتكىزۋ) بويىنشا سوتقا دەيىنگى تەرگەۋ باستالدى.
اتالعان قىلمىستى جاساعانى ءۇشىن 10 جىلدان 15 جىلعا دەيىن باس بوستاندىعىنان ايىرۋ جازاسى كوزدەلگەن.
